News Portal

  • नेकपाका युवा नेता पुस्कर रिहा 

    ५३२ पटक

    काठमाडौँ । नेपाल कम्युनिस्ट पार्टीका युवा नेता घनश्याम श्रेष्ठ ‘पुस्कर’ रिहा भएका छन् । नेकपाका कोशी ब्यूरो संयोजक समेत रहेका पुस्कर शुक्रबार रिहा भएका छन् ।

    बन्दी प्रत्यक्षीकरण रिटमाथि सुनुवाइ गर्दै सर्वोच्च अदालतले रिहा गर्न आदेश दिएपनि पुनः गेटबाटै गिरफ्तार गरिएका पुस्करलाई मोरङ जिल्ला अदालतकाे आदेशमा रिहा भएका हुन् । प्रहरीले बुधबार सर्वोच्च गेटबाटै गिरफ्तार गरेर मोरङ पुर्याएको थियो ।

    नेता पुस्करलाई गत चैत्र १० गते मोरङको कानेपोखरीबाट गिरफ्तार गरेको थियो । प्रहरीले राजद्रोहसँगै बिस्फोट र चन्दा असुलीको आरोप लगाएर हिरासतमा राखेको थियो । तर अदालतले प्रहरीले लगाएको आरोप पुष्टी हुन नसक्ने भन्दै पटकपटक रिहाईको आदेश दिँदै आएको थियो ।

    त्यसपछि उनलाई अदालतले पटकपटक रिहा गर्न आदेश दिए पनि प्रहरीले गिरफ्तार गर्दै आएको थियो ।

    प्रतिकृया दिनुहोस्