काठमाडौं । सुनकोशी गाउँपालिका-२ दुम्जास्थित बिपी राजमार्गको साँदी टोट्लीमा बसले मोटरसाइकललाई ठक्कर दिँदा एक जनाको मृत्यु भएको छ ।
बसको ठक्करबाट मोटरसाइकल चालक उदयपुर त्रियुगा नगरपालिकाका २८ वर्षिय नवीन विसुङ्खेको मृत्यु भएको छ । घाइते उनलार्ई उपचारका लागि धुलिखेल लैजाँदै गर्दा बाटोमा मृत्यु भएको प्रहरीले जनाएको छ ।
झापाबाट काठमाडौंतर्फ आइरहेको मे १ ख ३१८२ नं.को यात्रुबाहक बसले काठमाडौंबाट उदयपुरतर्फ गइरहेको बा ६८ प ८५४८ नं.को मोटरसाइकललाई सुनकोशी गाउँपालिका-२ साँदीमा ठक्कर दिएको हो ।
बस चालकलाई पक्राउ गरी आवश्यक कारबाही अगाडि बढाइएको जिल्ला प्रहरी कार्यालय सिन्धुलीले जनाएको छ ।
