News Portal

  • धारिलो हतियारले हानेर एक महिलाको हत्या, २ जना गम्भीर घाइते

    ३५४ पटक

    हेटौंडा । बकैया गाउँपालिका-३ जलजलेका सुकबहादुर पाख्रिनले धारिलो हतियार प्रयोग गरी छिमेकी एक महिलाको हत्या गरेका छन् ।

    बुधबार राति बकैया गाउँपालिका-३ जलजलेस्थित घरमै बसिरहेकी ५० वर्षिय सन्तमायालाई सोही ठाउँ बस्ने ५० वर्षिय सुकबहादुर पाख्रिनले धारिलो हतियार प्रहार गरी हत्या गरेको प्रहरीले जानकारी दिएको छ ।

    गम्भीर घाइते भएकी लोको उपचारको क्रममा हेटौंडास्थित चुरेहिल अस्पतालमा मृत्यु भएको हो । सामान्य भनाभनको क्रममा आवेगमा आएका पाख्रिनले धारिलो हतियार प्रयोग गरी महिलाको हत्या गरेको प्रहरीको भनाइ छ ।

    त्यसैगरी धारिलो हतियार प्रहारबाट २ जना गम्भीर घाइते भएका छन् । गम्भीर घाइते हुनेमा मृतकका श्रीमान ५५ वर्षिय कालबहादुर लो र स्थानीय २६ वर्षिय दिधिमाया मोक्तान रहेका छन् ।

    उनीहरुको टाउको, निधारमा चोट रहेको र घाइते दुबैको चुरेहिल अस्पतालमा उपचार भइरहेको छ । हत्यामा संलग्न पाख्रिनलाई इलाका प्रहरी कार्यालय फापरबारीबाट गएको टोलीले हतियारसहित पक्राउ गरि जिल्ला प्रहरी कार्यालय मकवानपुरको हिरासतमा राखेको छ ।

    प्रतिकृया दिनुहोस्