News Portal

  • बलेरोले ठक्कर दिँदा एक महिलाको मृत्यु

    २३३ पटक

    काठमाडौं । मध्यपुरथिमि नगरपालिका-४ एसएसचोकमा बाटो काट्दै गरेकी एक वृद्धा महिलालाई बलेरोले ठक्कर दिँदा घटनास्थलमै ज्यान गएको छ ।

    भक्तपुरबाट काठमाडौतर्फ आउदै गरेको बा १४ च १६८६ न.को बलेरो जिपले ठक्कर दिँदा पैदलयात्री ओखलढुङ्गा लिखु गाउँपालिका-६ घर भई हाल मध्यपुरथिमि-४ एसएसचोक बस्ने ७६ वर्षिय लक्ष्मीदेवी भट्टराईको मृत्यु भएको महानगरीय प्रहरी परिसर भक्तपुरले जानकारी दिएको छ ।

    तीव्रगतिमा आएको बलेरोले जेब्राक्रसिङबाट बाटो काटिरहेकी महिलालाई ठक्कर दिएर फरार भएका चालक काभ्रे बेथानचोक गा.पा-३ घर भई हाल काभ्रे भैँसेपाटी बस्ने २४ वर्षिय विनोद घिमिरेले प्रहरी वृत्तमा मध्यपुरथिमिमा आत्मासमर्पण गरेका छन् । घटनाको अनुसन्धान भइरहेको प्रहरीले जनाएको छ ।

    प्रतिकृया दिनुहोस्