काठमाडौँ । नेपाल कम्युनिस्ट पार्टीका केन्द्रीय सदस्य चन्द्रबहादुर चन्द ‘वीरजङ्ग’ सहित प्रहरीले २१ जना नेताहरुलाई गिरफ्तार गरेको छ । प्रहरीले दाङको राजपुर गाउँपालिका-४ बाट मध्ये राती सबैलाई गिरफ्तार गरेको हो ।

प्रहरीले नेकपाका राप्ती ब्यूरो इन्चार्ज  केसबहादुर बाठा ‘सुवास र अन्य नेताहरुलाई गिरफ्तार गरिएको बताएको छ । प्रहरीले नेकपा निटक युवा संगठनका अध्यक्ष पाटन जंगलीलाई पनि गरफ्तार गरेको छ ।

दाङ प्रहरीका प्रवक्तासमेत रहेका डीएसपी विनोदविक्रम शाहका अनुसार बैठक बसिरहेको बेला प्रहरले राति सबैलाई गिरफ्तार गरेको हो । उनीहरुलाई जिल्ला सदरमुकाम ल्याइँदैछ । शाहले प्रहरीले २१ जना गिरफ्तार गरेको पुष्टी गर्दै सबैको पहिचान खुल्न नसकेको बताए ।