News Portal

  • त्रिविको बजेटभन्दा बढी बेरुजु, आन्तरिक लेखा परीक्षण शुरू

    ४३५ पटक

    काठमाडौं । त्रिभुवन विश्वविद्यालयको २१ अर्ब बेरुजु देखिएको छ ।

    त्रिविको बजेटभन्दा बढी बेरुजु रकम देखिएको हो । महालेखा परीक्षकको ५६औं प्रतिवेदनमा २१ अर्ब बेरुजु देखिएपछि त्रिविले १ सय ३१ वटै एकाइमा आन्तरिक लेखा परीक्षण शुरू गरेको छ ।

    हालसम्म पश्चिम क्षेत्रका सम्पूर्ण क्याम्पस र एकाइ तथा उपत्यका र केन्द्रमा रहेका अधिकांश विभाग, डीन कार्यालय, संकाय, अध्ययन संस्थानको आन्तरिक लेखा परीक्षण गरिसकेको जनाएको छ ।

    ‘उपत्यकाका सबै निकायको ९ महिनाको आलेप सम्पन्न गरी आइतबारबाट पूर्वाञ्चलको आलेपको काम शुरू गरेका छौं’, रजिस्ट्रार दिल्लीराम उप्रेतीले भने, ‘कात्तिक महिनाभित्र सम्पूर्ण निकायको आलेप सम्पन्न गरी कार्यकारी परिषदमा पेस गर्ने तयारी भइरहेको छ ।’

    त्रिविले करिब ८५ करोड रुपैयाँबराबरको बेरुजु सम्परीक्षण सम्पन्न गरेको छ । करिब ९ करोड रुपैयाँ बढी खर्च भएकोमा ७ करोड बराबरको आलेप सम्पन्न गरी त्रिवि कार्यकारी परिषलमा पेस गरेको बताइएको छ ।

    प्रतिकृया दिनुहोस्