काठमाडौं । घरायसी विवादमा ससुराको हत्या गर्ने बुहारीलाई प्रहरीले पक्राउ गरेको छ ।

मन्थली नगरपालिका-१२ को गेलु बस्ने ६५ वर्षिय डिकबहादुर आछामीको हत्या गर्ने २१ वर्षिय बुहारी पार्वती आछामी (सार्की) पक्राउ परेकी हुन् ।

मगंलबार घरमा बुहारी र ससुरा मात्रै रहेको समयमा बुहारीले चिर्पट प्रहार गरेर ससुराको हत्या गरेकी थिइन् । ससुराको हत्यापछि उनले गाउँमा ससुरा मृत अवस्थामा भेटिएको भन्दै होहल्ला गरेकी थिइन् ।

प्रहरीले घटनास्थलको प्रकृति हेर्दा मृतक डिकबहादुरको हत्या भएको आशंका गरेपछि बुहारी पार्वती आछामीलाई नियन्त्रणमा लिएर सोधपुछ गरेको थियो । सोधपुछको क्रममा उनले चिर्पट प्रहार गरी ससुराको हत्या गरेको स्वीकार गरेको जिल्ला प्रहरी कार्यालय रामेछापले जनाएको छ

मृतक डिकबहादुरका ३ छोराहरु रोजगारीको सिलसिलामा देशबाहिर रहेका छन् ।