प्युठान । विप्लव नेतृत्वको नेपाल कम्युनिस्ट पार्टीका एक नेतालाई प्रहरीले विहानै गिरफ्तार गरेको छ । प्रहरीले बुधबार विहानै नेकपाका नेता रत्न थापामगरलाई घरबाटै गिरफ्तार गरेको हो ।
प्युठान नगरपालिका-३ स्थित आफ्नै घरमा रहेका थापामगरलाई जिल्ला प्रहरी कार्यालयबाट खटिएको प्रहरी टोलीले गिरफ्तार गरेको परिवारले जनाएका छन् । अपहरणशैलीमा गिरफ्तार गरेर लगेको भन्दै परिवारले त्यसबारे प्रहरीले आफूहरुलाई कुनै जानकारी नदिएको परिवारको भनाई ।
गिरफ्तारको नेकपा प्युठानले विरोध जनाएको छ ।
यसअघि नेकपा अर्का जिल्ला नेता केशब बुढामगरलाई असोज २१ गते गिरफ्तार गरेको थियो । गिरफ्तारीको विरोधमा नेकपा प्युठानले विज्ञप्ति जारी गरेर विरोध जनाएको साथै रिहाईको माग गरेको छ ।
