News Portal

एनआरएनको नवौं महाधिवेशन सुरु, नयाँ नेतृत्व निर्वाचित गर्दै 

३१७ पटक

काठमाडौं  गैरआवासीय नेपाली संघ (एनआरएनए) को नवौं महाधिवेशन सुरु भएको छ । नयाँ नेतृत्व चयन गर्न एनआारएनको  नवौं अन्तर्राष्ट्रिय महाधिवेशन आजबाट काठमाडौंमा सुरु भएको हो ।

विश्‍वका विभिन्न देशहरुमा रहेका नेपालीहरुले संगठन एनआरएनको नयाँ नेतृत्वको लागि अध्यक्षमा कुमार पन्त र कुल आचार्य मैदानमा छन् । एनआरएनमा यसअघि खुलेर दलीय पक्षधरता नलिए पनि यसपटक भने वामपन्त र लोकतान्त्रिक भन्दै खुलेरै प्यानल बनाइएको छ । पन्त वामपन्थी र आचार्य लोकतान्त्रिक समूहबाट प्यानलसहित चुनावमा उत्रेका छन् ।

दुईदिनसम्म चल्ने अधिवेशनमा ८१ देशबाट २५ सय प्रतिनिधि सहभागी भएको बताइएको छ ।

महाधिवेशनको उद्घाटन गर्दै राष्ट्रपति विद्यादेवी भण्डारीले नेपालमा लगानी गर्न एनआरएनलाई अपील गरेकी छन् । उनले आन्तरिक र बाहृय वातावरण लगानीका लागि योग्य रहेकाले ढुक्क भएर लगानी गर्न आश्वासन समेत दिइन् ।

प्रतिकृया दिनुहोस्