पाँचथर । गत असोज १७ गते मोटरसाइकलले ठक्कर दिएर गम्भीर घाइते भएका पाँचथर फिदिम-२ का एक व्यक्तिको सोमबार बिहान मृत्यु भएको छ ।
मृत्यु हुनेमा फिदिम-२ का दलकर्ण राई रहेका छन् । उनको नोभेल अस्पताल विराटनगरमा उपचार हुन नसकेपछि थप उपचारका लागि काठमाडौं ल्याउने क्रममा सोमबार बिहान मृत्यु भएको जिल्ला प्रहरी कार्यालय पाँचथरले जनाएको छ ।
गत असोज १७ गते बा ५२ प ६२०६ नं.को मोटरसाइकलले ठक्कर दिँदा उनी गम्भीर घाइते भएका थिए । ठक्कर दिने मोटरसाइकल चालक फिदिम-४ का विराज राई अहिले प्रहरीको नियन्त्रणमा रहेका छन् ।
