News Portal

राजविराज नगरपालिका वडासदस्यको शोकमा बन्द

१५४ पटक

राजविराज । आज राजविराज नगरपालिकाद्वारा कामकाज बन्द गरी शोक मनाउने निर्णय गरेको छ ।

राजविराज नगरपालिका-१२ का वडासदस्य शिवनारायण यादव (शिवु) को निधनप्रति शोक व्यक्त गरेको हो । राजविराज नगरपालिकाका प्रमुख शम्भुप्रसाद यादवले एक विज्ञप्ति जारी गरी उनको असमायिक निधनले नगरपालिकालाई पुगेको क्षतिप्रति सम्पूर्ण नगरकार्यपालिका स्तब्ध भएको जनाएको छ ।

वडासदस्य यादवको निधनप्रति शोक जनाउन आज राजविराज नगरपालिका कार्यालय तथा त्यस मातहतका सम्पूर्ण विषयगत कार्यालय एक दिनका लागि बिदा दिने निर्णय गरिएको नगरपालिका प्रमुख यादवले जारी गरेको विज्ञप्तिमा उल्लेख छ ।

राजविराज नगरपालिका-१२ का वडासदस्य ६५ वर्षिय यादव (शिवु) को शुक्रबार निधन भएको थियो । उनी लामो समयदेखि बिरामी थिए । स्थानीय निकायको निर्वाचनमा राजपा नेपालबाट उनी वडासदस्य पदमा निर्वाचित भएका थिए ।

प्रतिकृया दिनुहोस्