काठमाडौं । चिनियाँ राष्ट्रपति सी चिनफिङ नेपालको दुई दिनको औपचारिक भ्रमण सकेर स्वदेश फर्केका छन् ।
शनिबार दिउँसो ४ः४५ बजे नेपाल आएका राष्ट्रपति सी नेपालका राष्ट्राध्यक्ष, कार्यकारी प्रमुख र सत्तारुढ दल नेकपासहित विभिन्न पार्टीका शीर्ष नेताहरुसँगको भेटघाट तथा छलफलपछि आइतबार अपरान्ह फर्किएका हुन् ।
राष्ट्रपति सीको भ्रमणमा नेपाल र चीनबीच गृह, परराष्ट्र, भौतिक पूर्वाधार तथा यातायात, कृषि तथा पशुपन्छी विकास, उद्योग वाणिज्य तथा आपूर्ति मन्त्रालय, काठमाडौं महानगरपालिकासहित सरकारी निकाय सम्बन्धित १८ बुँदे सहमझदारी पत्र तथा २ बुँदे लेटर अफ एक्सचेञ्जमा हस्ताक्षर भएको छ ।
राष्ट्रपति सीको दुई दिने नेपाल भ्रमण अत्यन्तै उत्साहजक र उपलब्धिमूलक भएको परराष्ट्र मन्त्रालयले जनाएको छ । राष्ट्रपति सीलाई समकक्षी विद्यादेवी भण्डारीले त्रिभुवन अन्तर्राष्ट्रिय विमानस्थलमा बिदाई गरेकी छिन् ।
