News Portal

  • १३ जनालाई जिउँदै जलाएर मारेकोे आरोपमा काँग्रेस सांसद आलम पक्राउ

    २०७ पटक

    रौतहट । क्षेत्र नं.२ बाट निर्वाचित सांसद मोहम्मद आफताब आलम पक्राउ परेका छन् ।

    काँग्रेसबाट निर्वाचित उनलाई आइतबार बिहान प्रहरी प्रधान कार्यालय काठमाडौँबाट सादा पोसाकमा खटिएको प्रहरीको टोलीले उनको निजी निवास राजपुर फरहदवा राजपुर गाउँबाट पक्राउ गरेको छ ।

    उनीमाथि पहिलो संविधानसभाको निर्वाचनमा बुथ क्याप्चर गर्ने उद्देश्यले आफ्नै घरमा बम बनाउन लाग्दा विस्फोट भई घाइते भएकामध्ये १३ जनालाई नजिकैको इँटाभट्टामा जलाएर मारेको आरोप थियो ।

    प्रहरी पुग्दा सम्पूर्ण प्रमाण नष्ट गरेको आरोप उनीमाथि थियो । मारिनेमा भारतीय र नेपाली नागरिक भएको बताइएको छ । रौतहटको राजपुर–४ खरहवामा भएको सो विस्फोटनमा घाइते भएपछि जलाइएका दुई जना नेपाली युवाहरु त्रिलोकप्रताप सिंहका बाबु र कौशी अख्तर मियाकी आमाले आलममाथि कार्वाहीको माग गर्दै जिल्ला प्रहरी कार्यालयमा निवेदन दिएका थिए ।

    तर, प्रहरीले आलमबिरुद्ध जाहेरी लिन नमानेपछि मृतकका अविभावकहरुले दोषीमाथिको जाहेरी निवेदन लिनुपर्ने माग गर्दै सर्वोच्च अदालतमा रिट दिएका थिए । सो रिटमाथि सुनुवाई गर्दै तत्कालीन न्यायाधीशद्वय सुशीला कार्की र भरतबहादुर कार्कीको संयुक्त इजलासले १६ जेठ २०६९ मा दोषी आरोपित आलमसहित ५ जनालाई गिरफ्तार गरी कारवाही प्रक्रिया अघि बढाउन आदेश दिएको थियो ।

    अदालतको आदेश पछि पनि आलमलाई प्रहरीले पक्राउ गर्न सकेको थिएन । उनी काँग्रेसका पूर्व जिल्ला सभापति र वनमन्त्री हुन् ।

    प्रतिकृया दिनुहोस्