काठमाडौं । जापानमा ६० वर्ष यताकै शक्तिशाली आँधी आएको छ । भारी बर्षा र शक्तिशाली आँधीका कारण कम्तीमा पाँच जनाको मृत्यु भएको अन्तर्राष्ट्रिय संचारमाध्यमहरुले जनाएका छन् ।
आँधीका कारण झण्डै एक सय जना संख्यामा घाइते भएका छन् ।
राजधानी टोकियोसहित विभिन्न शहरलाई आँधीले तहसनहस बनाएको छ । अन्तर्राष्ट्रिय संचारमाध्यमहरुका अनुसार प्रतिघण्टा २२५ किलोमिटरको रफ्तारले आएको आँधीले असर पार्ने भन्दै ७० लाख मानिसलाई सुरक्षित स्थानतर्फ सर्न अपील गरिएको छ ।
हालसम्म ५० हजारभन्दा बढी मानिस घर छोडेर सुरक्षित स्थानतर्फ सरेका छन् ।
पूर्वतर्फ लागिरहेको उक्त आँधीले गर्दा २ लाख ७० हजार भन्दा बढी घरमा विद्युत आपूर्ति बन्द भएको छ ।
