काठमाडौं । दुईदिने नेपाल भ्रमणमा रहेका चिनियाँ राष्ट्रपति सी चिनफिङ त्रिभुवन अन्तर्राष्ट्रिय विमानस्थलबाट होटल सोल्टी पुगेका छन् । विमानस्थलबाटै कडा सुरक्षा घेराबीच सी सोल्टी पुगेका हुन् ।
यसअघि विमानस्थलमा राष्ट्रपति सीलाई नेपाली समकक्षी राष्ट्रपति विद्यादेवी भण्डारीले स्वागत गरेकी थिइन् ।
एयर चाइनाको विशेष विमानमार्फत सी विमानस्थल पुग्नासाथ भव्य स्वागत गरिइएको थियो । स्वागत समारोहमा राष्ट्रपति भण्डारीसँगै उपराष्ट्रपति नन्दबहादुर पुन, प्रधानमन्त्री केपी शर्मा ओली र मन्त्रीहरु पनि विमानस्थल पुगेका छन् ।
अब केही समयको आ आरामपछि राष्ट्रपति सीले राजनीतिक भेटवार्ता गर्ने कार्यतालिका रहेको छ ।
विमानस्थलदेखि सोल्टी पुग्नेबेला सम्म सडक छेउबाट नागरिकहरुले हात हल्लाएर सीलाई स्वागत गरेका थिए ।
