काठमाडौं । सिन्धुपाल्चोकमा भएको बस दुर्घटनामा परी मृत्यु हुनेको संख्या ११ पुगेको छ ।
दशैं मनाएर काठमाडौं फर्किने यात्रुले खचाखच भरिएको बसका सबै यात्रु घाइते भएको प्रहरीले जनाएको छ । बसमा ६० भन्दा बढी यात्रु रहेको बताइएको छ ।
बस सिन्धुपाल्चोकको सुपाघाटबाट काठमाडौंतर्फ आउँदै गरेको थियो । शुक्रबार विहान ९ः५५ मा बा २ ख २७१५ नम्बरको बस इन्द्रवाती गाउँपालिका १०, बडहरे झिल्के मोडमा दुर्घटनामा भएको थियो ।
प्रहरीका अनुसार दुर्घटनामा परी ५ जनाको घटनास्थलमै र बाँकी १ जनाको बाटोमा र ५ जनाको उपचारको क्रममा मृत्यु भएको हो ।
मृत्यु हुने पाँचजनाको बाहेक अरुको पहिचान खुलेको छैन ।
कच्ची सडकमा क्षमताभन्दा बढी यात्रु बोकेको सडकबाट ६० मिटर तल खसेको थियो ।
