News Portal

  • दुर्घटनामा १ को मृत्यु, २ जना घाइते

    २९२ पटक

    काठमाडौं । पृथ्वीराजमार्ग अन्तर्गत तनहँुको बन्दीपुर गाउँपालिका-५ याम्पामा बोलेरोको ठक्करबाट एक महिलाको मृत्यु भएको छ ।

    दुर्घटनामा एक पुरुष र एक बालक घाइते भएका छन् । मुग्लिङबाट डुम्रेतर्फ जादै गरेको बा १८ च ५३१६ नं.को बोलेरो जीपले विपरीत दिशाबाट आउँदै गरेको प्रदेश नं ३-००-०१ प ८३ नं को स्कुटरलाई ठक्कर दिँदा स्कुटरमा सवार भरतपुर महानगरपालिका-११ बस्ने ३० वर्षिय शोभा धितालको मृत्यु भएको प्रहरीले जनाएको छ ।

    दुर्घटनामा ३६ वर्षिय सुरज धिताल र ९ वर्षिय अर्पण धिताल घाइते भएको जिल्ला प्रहरी कार्यालय तनहुँले जानकारी दिएको छ । दुर्घटनामा घाइते भएकी शोभाको उपचारका क्रममा नयाँ मेडिकल कलेज भरतपुरमा बुधबार राति मृत्यु भएको हो ।

    उनको टाउको र बायाँ खुट्टामा चोट लागेको थियो । दुर्घटनामा घाइते सुरज र अर्पणको पनि सोही अस्पतालमा उपचार भइरहेको र अवस्था सुधारोन्मुख रहेको भनाइ छ ।

    प्रतिकृया दिनुहोस्