News Portal

  • रोटेपानी खोलामा पहिरो, ३७ घर परिवार उच्च जोखिममा

    ७०० पटक

    विनायक । अछामको पञ्चदेवल विनायक नगरपालिकाको एक बस्ती पूरै पहिरोको जोखिममा परेको छ । नगरपालिकाको वडा नम्बर २ धाउखाने, कोट र आउजिबाडाका ३७ घरपरिवार पहिरोको उच्च जोखिमा छन् ।

    स्थानीयका अनुसार धाउखानेमा २२, कोटमा १० र आउजुबाडामा ५ घर परिवार बसोबास गरिरहेका छन् । यी बस्तीको बीचमा रहेको रोटेपानी खोलामा बिगत १५ वर्षदेखि पहिरो लागिरहेको छ । उक्त पहिरोको कारण पूरै बस्ती जोखिमा परेको हो ।

    स्थानीयबासी दिलिपसिंह बिकका अनुसार वर्ष हुनसाथ रातभर जागराम बस्छन् । कतिखेर पहिरोले लिने हो भन्ने चिन्ताले स्थानीयलाई सचाउने गरेको छ । तर, पहिरो नियन्त्रण वा बस्ती सुरक्षित स्थान सार्नेबारे सुरक्षित स्थानमा सार्नेबारे सम्बन्धित निकायमा कुनै छलफल नै भएको छैन ।

    पहिरोको उच्च जोखिम रहेको स्थानमा डोजरले सडक काटेपछि समस्या झन् बढेको भन्दै बिकले भने, “डोजरले जमिन हल्लाएकोले पहिरोको जोखिम झन् बढेको छ ।”

    यो वर्ष जमिनमा पहिलेको भन्दै ठूलो चिरा परेका छन् । चिरा परेको जमिनमा जतिबेला पनि पहिरो जान सक्ने चिन्ता स्थानीयलाई छ ।

    प्रतिकृया दिनुहोस्