काठमाडौं । इराकका प्रधानमन्त्री आदेल अब्दुल महदीले वार्ताको आह्वान गरेका छन् ।
सरकारविरोधी प्रदर्शन बढ्दै गएपछि प्रधानमन्त्री महदीले आन्दोलनकारीसँग वार्ताका लागि आफू तयार रहेको बताएका हुन् ।
३ दिनदेखि जारी विरोध प्रदर्शनले उग्र रुप लिन थालेपछि उनले वार्ताबाटै समस्याको समाधान गर्न आफू तयार रहेको बताए । राजनीतिक संकट समाधानका लागि उनीसँग निरन्तर वार्ताको प्रयास गरेको जनाइएको छ ।
शान्तिपूर्ण प्रदर्शनका क्रममा सुरक्षाकर्मीले बल प्रयोग गरेको भन्दै आन्दोलनकारीले सरकारविरोधी प्रदर्शनलाई तीव्र पारेपछि स्थिति तनावपूर्ण बन्दै गएको छ ।
