News Portal

  • दशैंको मुखैमा सवारी दुर्घटना महिलाको मृत्यु

    ३४६ पटक

    काठमाडौं । आज बिहान ६ः३० बजे हेटौंडा उपमहानगरपालिका-१ चाइनागेट नजिक सवारी दुर्घटना हुँदा महिलाको मृत्यु भएको छ ।

    मृत्यु हुनेमा हेटौंडा-१ बस्ने ३५ वर्षिय सीता न्यौपाने रहेकी छिन् । हेटौंडा-११ बाट हेटौंडा बजारतर्फ आउँदै गरेको ना ८ ख ३८७२ नं.को तेलट्याङ्करले सोही दिशाबाट आउँदै गरेको ना ५६ प ४९३५ नं.को मोटरसाइकललाई ठक्कर दिँदा मोटरसाइकलमा सवार सीताको घटनास्थलमै मृत्यु भएको हो ।

    प्रहरीका अनुसार, दुर्घटनाबाट मोटरसाइकल चालक सीताका पति ४५ वर्षिय शशि न्यौपाने भने सामान्य घाइते भएका छन् । हेटौंडा अस्पतालमा सामान्य उपचार गरी उनी घर फर्किएका छन् ।

    ठक्करबाट दिने ट्याङ्कर चालक भीमफेदी गाउँपालिका-१ त्रिखण्डी बस्ने २४ वर्षिय मुकेश विकलाई प्रहरीले नियन्त्रणमा लिई घटनाको विषयमा थप अनुसन्धान गरिरहेको छ ।

    प्रतिकृया दिनुहोस्