News Portal

  • ५ देशबीचको सिरिजमा नेपाली राष्ट्रिय क्रिकेट टोली ओमानमा

    ४२६ पटक

    काठमाडौं । ५ राष्ट्र सम्मिलित टी-ट्वेन्टी शृंखला खेल्न नेपाली राष्ट्रिय क्रिकेट टोली ओमान पुगेको छ ।

    सिंगापुरमा त्रिकोणात्मक टि-ट्वेन्टी सिरिज सकाएर नेपाली टोली गएराति १० बजे श्रीलंका हुँदै ओमान पुगेको हो । ५ देशबीचको सिरिज ओमानमा भोलिदेखि सुरु हुँदैछ ।

    नेपालले आफ्नो पहिलो खेल पर्सि हङकङविरुद्ध खेल्नेछ । ओमान क्रिकेटले आयोजना गरेको शृंखलामा आयोजक ओमानसहित नेपाल, आयरल्याण्ड, हङकङ र नेदरल्याण्ड सहभागी हुँदै छन् ।

    यही असोज २३ गतेसम्म सो शृंखला चल्नेछ । युएईमा आयोजना हुने आईसीसी टी-ट्वेन्टी विश्वकपको ग्लोबल छनोट अघि ओमानले यी राष्ट्रबीचको शृंखला खेलाउन लागेको हो । नेपाल ग्लोबल छनोटमा नपुगे पनि ओमानले आमन्त्रण गरेपछि शृंखलामा सहभागी भएको हो ।

    प्रतिकृया दिनुहोस्