बैतडी । नेपाल-भारत सीमा झुलाघाट नाका बिहीबारदेखि ३ दिनका लागि बन्द गरिने भएको छ ।
भारतको पिथौरागढ जिल्लामा अक्टोबर ५ तारेख ९ असोज १८ गते जिल्ला पञ्चायत तथा ग्राम पञ्चायत सदस्य चुनावका लागि बन्द गरिने भएको हो ।
चुनावको लागि सुरक्षा संवेदनशिलताको कारण झुलाघाट सीमा नाका बिहीबार साँझ सवा ५ बजेदेखि १८ गते साँझ सवा ५ बजे सम्म तीन दिन सिमा बन्द हुने बैतडीका प्रमुख जिल्ला अधिकारी आनन्द पौडेलले जानकारी दिए ।
यसरी चाडपर्वको बेला सीमा नाका बन्द हुने भएपछि भारतबाट घर फर्किने नेपालीलाई समस्या हुने देखिएको छ ।
