News Portal

  • नेपाली क्रिकेट टोली ओमानतर्फ

    ७१८ पटक

    काठमाडौं । आज नेपाली राष्ट्रिय क्रिकेट टोली सिंगापुरबाट ओमान जाँदैछ ।

    जारी त्रिकोणात्मक ट्वेन्टी-ट्वेन्टी क्रिकेट सिरिजमा आफ्नो खेल सकाएर नेपाली टोली आज ओमानको मस्कट जान लागेको हो ।

    त्रिकोणात्मक शृंखलाअन्तर्गत हिजो नेपाल र सिंगापुरबीचको खेल वर्षाले रद्द भएपछि नेपालको उपाधि जित्ने सम्भावना सकिएको हो । सिंगापुरको शृंखला सकाएर सिधै ओमान जान लागेको हो ।

    ओमान क्रिकेटले आयोजना गर्ने पाँच राष्ट्रबीचको ट्वेन्टी ट्वेन्टी शृंखलामा आयोजक ओमानसहित नेपाल, आयरल्याण्ड, हङकङ र नेदरल्याण्ड सहभागी छन् ।

    यही असोज १८ देखि २३ सम्म शृंखला चल्नेछ । नेपालले पहिलो खेल असोज १९ गते हङकङविरुद्ध खेल्नेछ । युएईमा आयोजना हुने आईसीसी टी-ट्वेन्टी विश्वकपको ग्लोबल छनोट अघि ओमानले पाँच राष्ट्रबीचको शृंखला खेलाउन लागेको हो ।
    नेपाल ग्लोबल छनोटमा नपुगे पनि ओमानले आमन्त्रण गरेपछि शृंखलामा सहभागी हुँदैछ ।

    प्रतिकृया दिनुहोस्