काठमाडौँ । वरिष्ठ अभिवक्ता एकराज भण्डारीले सरकार संविधानमा भएको व्यवस्थाको विरुद्धमा गएको बताएका छन् । उनले संविधानमा विचार र राजनीतिक, मानवअधिकार तथा प्रेस स्वातन्त्रको ग्यारेण्टी गरिएको तर सरकार त्यसविरुद्ध गएको बताए ।

क्रान्तिकारी पत्रकार संगठन नेपालले काठमाडौंमा आयोजना गरेको कार्यक्रममा बोल्दै भण्डारीले सरकारी रवैयाले ‘ठूलालाई ऐन र सानालाई चैन’ उखान चरित्रार्थ भएको बताउँदै भण्डारीले भने, “संविधानमै विचार र राजनीतिक स्वतन्त्रता, मानव अधिकार तथा प्रेस स्वतन्त्रताको ग्यारेण्टी गरिएको छ । तर, सरकार यसलाई कुल्चदै अगाडि बढिरहेको छ । सानालाई ऐन र ठूलालाई चैन भन्ने नेपाली उखानअनुसारै सरकार अगाडि बढिरहेको छ ।”

भण्डारीले अहिलेको व्यवस्थामा दलालकै हालिमुहाली भएको बताए । उनले दलाल व्यवस्थाले जनताको सेवा गर्ने कुराको कल्पना गर्न प नि नसकिने बताए ।
एक अर्को प्रसंगमा भण्डारीले सभामुख कृष्णबहादुर महरालाई लागेको आरोप कुनै सामान्य नागरिकलाई लागेको भए सिरासतमा पुग्ने बताए । “महराजीको ठाउँमा सामान्य व्यक्ति भएको भए हिरासतमा लगेर अनुसन्धान हुन्थ्यो तर घटनामा पनि ठूला र सानालाई फरक फरक कानुनी दायरा भन्ने देखियो । यसबाट सरकारकै चरित्र उदांगो भएको छ ।”