काठमाडौं । घुस लिने प्रहरी र नापी सर्वेक्षक पक्राउ परेका छन् ।
महानगरीय प्रहरी प्रभाग थली, काठमाडौंमा कार्यरत प्रहरी नायब निरीक्षक बिपिन चन्द्र पन्तले सवारी दुर्घटनापछि सहमति गराउने क्रममा ५ हजार रुपैयाँ घुस लिइहेको अवस्थामा पक्राउ परेको अख्तियार दुरुपयोग अनुसन्धान आयोगले जनाएको छ ।
उनी थलीकै साथीभाई रेष्टुरेन्टबाट पक्राउ परेका हुन् । नापी कार्यालय भक्तपुरमा कार्यरत नापी सर्वेक्षक सिद्धराज जोशी ८ हजार रुपैयाँ घुससहित पक्राउ परेका छन् ।
जग्गा हालसाविक गर्ने क्रममा फिल्ड खर्च भनी सेवाग्राहीसँग नजिकैको एक होटलबाट ८ हजार घुस लिँदालिँदै पक्राउ परेको अख्तियारले जनाएको छ ।
