News Portal

  • नेपाल एयरलाइन्सलाई रणनीतिक साझेदारसहित २ एयर बस थप्न सुझाव

    २५७ पटक

    काठमाडौं । नेपाल वायुसेवा निगममा सुधार ल्याउने गरी सुझाव दिन बनाएको पाँच सदस्यीय कार्यदलले नाफा हुने क्षेत्रमा उडान भर्नका लागि अझै २ ठूला जहाज किन्न सुझाव दिएको छ ।

    समितिका संयोजक पूर्वसचिव सुशील घिमिरेले संस्कृति पर्यटन तथा नागरिक उड्ययन मन्त्री योगेश भट्टराईलाई बुधबार आफ्नो प्रतिवेदन बुझाउने क्रममा दुई ठूला एयर बस भित्र्याउन सुझाव दिएका हुन् ।

    समितिले प्रतिवेदन बुझाउँदै आर्थिक रुपमा जर्जर रहेको निगमलाई सुधार गरेर अघि बढाउन रणनीतिक साझेदार भित्र्याउन पनि सुझाव दिएको छ ।

    ‘अष्ट्रेलियाको सिड्नी लगायतका क्षेत्रमा नाफा हुने क्षेत्रमा उडान थप्नको लागि दुईवटा एयरबस ३२० ल्याउनु पर्ने जरुरी छ’, समितिले सरकारलाई दिएको सुझावमा भनिएको छ, ‘जहाज किन्न धेरै समस्या छ । दुई किसिमका जहाज राख्नु हुँदैन । कम्तीमा आठ नौ वटा एउटै किसिमका जहाज निगमले ल्याउनुपर्छ ।’ निगमलाई बलियो बनाउन जहाज किन्नुअघि खरिद ‘नेगोसियसन’ का विशेष टोली बनाउनु पर्ने सुझाव समितिले दिएको छ ।

    नेकपा नेता भट्टराई पर्यटन मन्त्री भएपछि गत साउन २२ गते वायु सेवा निगम सुधार समिति गठन गरेका थिए । निगमसँग अहिले ट्वीनअट्टर, एयरबस, वाइ १२, एम ६० सहित नौ वटा जहाज छ ।

    निगमको वाइड बडी लामो दुरीको उडान टुंगो नलागेकाले भारत र खाडी मुलुकमा मात्रै उडान भरिरहेको छ । निगमको एयर बसले लामो दुरीको रुट अन्तर्गत जापानमा साताको दुई उडान भरिरहेको छ ।

    प्रतिकृया दिनुहोस्