News Portal

छोराको मृत्युपछि बाबुले पनि गरे आत्महत्या

२०३ पटक

तानसेन । हृदयघातका कारण छोराको मृत्युपश्चात बाबुले पनि आत्महत्या गर्दा पाल्पाको रामपुर नगरपालिका–१० हेक्लाङ् गाउँ शोकमग्न बनेको छ ।

त्रिभुवन बहुमुखी क्याम्पस पाल्पाका उप-प्राध्यापक कृष्णप्रसाद तिमिल्सिनाको गत शनिबार हृदयघातका कारण मृत्यु भएको थियो । ४० वर्षको उमेरमा छोराको मृत्यु भएपछि त्यसलाई सहन गर्न नसकी तिमिल्सिनाका पिता ६५ वर्षिय भिमराजले आत्महत्या गरेका हुन् ।

छोरा कृष्णप्रसादले पाल्पाको नर्सिङ कलेज र मिलेनियम कलेजमासमेत अध्यापन गराउने गर्थे भने तानसेनस्थित सूर्योदय केवल टेलिभिजनका अध्यक्ष थिए । अल्पायुमै छोराको निधन भएपछि कृष्णका पिता भिमराज विक्षिप्त बनेका थिए । तीन दिनकै बीचमा बाबु–छोराकै मृत्यु भएपछि अहिले हेक्लाङ शोकमा छ ।

प्रतिकृया दिनुहोस्