दमौली । आज बिहान भारतीय बस दुर्घटना हुँदा २७ जना घाइते भएका छन् ।
पृथ्वीराजमार्गअन्तर्गत तनहुँको व्यास नगरपालिका-१२ कमलाबारीमा मुक्तिनाथतर्फ जाँदै गरेको युपिबीपी ४९९५ नं.को बस अनियन्त्रित भई राजमार्ग छेउमा पल्टिँदा बसमा सवार २७ यात्रु घाइते भएको जिल्ला प्रहरी कार्यालय तनहुँले जनाएको छ ।
दुर्घटनामा घाइतेमध्ये १२ जनालाई उपचारका लागि पोखरास्थित मणिपाल शिक्षण अस्पताल पठाइएको र बाँकी सबै डिस्चार्ज भइसकेका छन् ।
घाइतेमध्ये ६ जनाको अवस्था मध्यम रहेको बताइएको छ । तीव्र गतिका कारण दुर्घटना भएको हुनसक्ने प्रहरीको अनुमान छ ।
