News Portal

  • प्रहरी र माओवादीबीच भिडन्त, प्रहरीसहित १० जनाको मृत्यु 

    ३९८ पटक

    काठमाडौं । भारतमा प्रहरी र माओवादी विद्रोहबीच मुठभेड भएको छ । भारतको छत्तिसगढमा तीन पटक भिडन्त तथा मुठभेड भएको छ । सो क्रममा प्रहरी र माओवादी सेना गरी १० जनाको मृत्यु भएको छ ।

    दिल्लीबाट प्रकाशित हुने केही भारतीय संचारमाध्यमहरुले प्रहरीतर्फ क्षति नभएको बताएका छन् । तर छत्तिसगढबाट प्रकाशित हुने केही संचारमाध्यमहरुले भने प्रहरीतर्फ पनि ठूलो क्षति भएको बताएका छन् ।

    शुक्रबार राति र शनिबार दंतेबाडा, सुकमा र बीजपुरा जिल्लामा प्रहरी र माओवादी सेनाबीच मुठभेड भएका छन् । जसमा ४ जना माओवादीको मृत्यु भएको छ भने ६ जना प्रहरी पनि मृत्यु भएको बताइएको छ ।

    यही महिनाको २३ तारेखमा दंतबडामा विधानसभाको उपनिर्वाचनको मिति तय भएको छ । निर्वाचनको मिति नजिकिँदै जाँदा माओवादीका गतिविधि बढेकाले सुरक्षा कारवाही तीव्र पारिएको प्रहरीले जनाएको छ ।

    गत अप्रिल ९ मा माओवादी आक्रमणमा भारतीय जनता पार्टीका विधायक भीमा मंडावीको मृत्यु भएको थियो । सोही कारण रिक्त रहेको स्थानमा उपनिर्वाचन हुन लागेको हो ।

    निर्वाचनमा भीमा मंडेवाकी पत्नी ओजस्वीले उम्मेद्वारी दिएकी छिन् भने विपक्षी कँग्रेसले पनि सन् २०१३ मा माओवादीबाटै मारिएका पूर्वगृहमन्त्री महेन्द्र कर्माकी पत्नी देवती कर्मलाई उम्मेद्वार बनाएको छ ।

    • फाइल फोटो
    प्रतिकृया दिनुहोस्