News Portal

  • माछा मार्ने क्रममा डुबेर ३ जनाको मृत्यु

    २३५ पटक

    दाङ । खोलामा माछा मार्ने क्रममा तुलसीपुरमा २ र घोराहीमा एक शिशुको खेल्ने क्रममा डुबेर मृत्यु भएकोे छ ।

    जिल्ला प्रहरी कार्यालयका प्रहरी नायब निरीक्षक विनोदविक्रम शाहका अनुसार आज बिहान करिब साढे दश बजेतिर घोराही उपमहानगरपालिका-७ राजपुरकी एक बालिकाको कुलोमा डुबेर मृत्यु भएको हो ।

    एक वर्षिय बालिका खेल्ने क्रममा कुलोमा डुबेको थाहा पाएपछि परिवारले उपचारका लागि राप्ती स्वास्थ्य विज्ञान प्रतिष्ठानमा ल्याएको केही समयपछि नै चिकित्सकले मृत घोषणा गरेका थिए ।

    यस्तै तुलसीपुर उपमहानगरपालिका-८ गोतेखोलामा माछा मार्ने क्रममा डुबेर २ युवाको मृत्यु भएको छ ।

    सल्यान कपुरकोट गाउँपालिका-५ घर भई तुलसीपुर कटरकुइयामा बङ्गुरपालन गर्दै आएका २० वर्षिय अर्जुन बुढा र ओखलढुङ्गा घर भई सोही ठाउँमा बस्दै आएका २६ वर्षिय मिलन लामा रहेका छन् ।

    प्रतिकृया दिनुहोस्