News Portal

  • जिम्बाब्वेका पूर्व राष्ट्रपति मुगाबेको निधन

    ५५५ पटक

    काठमाडौं । जिम्बाब्बेका पूर्व राष्ट्रपति रोबर्ट मुगाबेको ९५ वर्षको उमेरमा आज (शुक्रबार) निधन भएको छ ।

    जिम्बाब्वेको स्वतन्त्रतापछि मुगाबे देशका प्रथम प्रधानमन्त्री निवार्चित भएका थिए । उनले करिब चार दशक देशमा शासन गरेका थिए ।

    केही समयदेखि बिरामी भएका उनको गत अप्रिलदेखि सिङ्गापुरमा उपचार भइरहेको थियो । परिवारका सदस्यले मुगाबेको निधन भएको बीबीसीमार्फत पुष्टि गरेका छन् ।

    सन् २०१७ को नोभेम्बरमा सेनाले उनलाई अपदस्थ गरी नजरबन्द गरेको थियो । मुगाबेको जन्म सन् १९२४ को फेब्रुअरीमा भएको थियो । तत्कालीन सरकारको आलोचना गरेको आरोपमा सन् १९६४ मा जेल परेका उनी मुद्दा नचलाई १० वर्षसम्म बन्दी जीवन बिताएका थिए ।

    जिम्बाब्वे स्वतन्त्र भएपछि सन् १९८० मा मुगाबे देशको पहिलो प्रधानमन्त्री निवार्चित भए । उनी सन् १९८७ मा राष्ट्रपति बनेका थिए । शिक्षा र स्वास्थ्य क्षेत्रमा बहुसङ्ख्यक काला जातिका मानिसलाई महत्व दिएर आफ्नो शासनकालको शुरुका वर्षमा उनी निकै लोकप्रिय भएका थिए ।

    तर विवादास्पद भूमिसुधार नीतिका कारण देशमा ठूलो आर्थिक संकट उत्पन्न भएकोले उनीमाथि आरोप लागेको थियो ।

    प्रतिकृया दिनुहोस्