News Portal

  • विद्यालय जाँदै गरेकी किशोरीमाथि तेजाब प्रहार

    १६४ पटक

    वीरगञ्ज । आज बिहान १५ वर्षिय एक किशोरीलाई गणेशमान चौकमा एसिड (तेजाब) प्रहार भएको छ ।

    विद्यालय जाने क्रममा वीरगञ्ज महानगरपालिका-३ छपकैयाका मुस्कान खातुनमाथि २ जना युवकले तेजाब प्रहार गरेका हुन् ।

    तेजाब प्रहारबाट घाइते भएकी खातुनलाई वीरगञ्जको नारायणी अस्पतालमा उपचार भइरहेको छ । तेजाबबाट खातुनको अनुहार, छाती, हातखुट्टालगायतका शरीरको भाग जलेको उपचारमा संलग्न चिकित्सकले बताएका छन् ।

    उनको स्वास्थ्य अवस्था गम्भीर रहेको पनि चिकित्सकले बताएका छन् । मुस्कानमाथि तेजाब खन्याएको अभियोगमा वीरगञ्ज महानगरपालिका-२ छपकैयाका १६ वर्षिय सम्साद मियाँलाई प्रहरीले पक्राउ गरेको छ ।

    बिहान ६ बजे विद्यालय जान लागेकी उनीमाथि सम्सादले तेजाब खन्याएको प्रत्यक्षदर्शी र पीडितले बयान दिएका छन् । सोही बयानका आधारमा उनलाई पक्राउ गरिएको जिल्ला प्रहरी कार्यालय पर्साका सूचना अधिकृत प्रहरी नायब उपरीक्षक अनन्तराम शर्माले बताए ।

    उनले युवतीमाथि तेजाब खन्याउने कार्यमा सहयोग गर्ने वीरगञ्ज-२ छपकैयाकै मजिद आलमको खोजी भइरहेको छ । वीरगञ्जको रामटोलमा अवस्थित त्रिभुवन हनुमान माध्यमिक विद्यलायको कक्षा १० मा मुस्कान अध्ययनरत छिन् ।

    प्रतिकृया दिनुहोस्