News Portal

  • बमले घर उडाई दिने धम्की दिने पक्राउ

    २५६ पटक

    काठमाडौं । नगद २० लाख रुपैयाँ माग गरी नदिएमा ज्यान मार्ने तथा बमले घर उडाइदिने धम्की दिएको अभियोगमा एक जनालाई प्रहरीले पक्राउ गरेको छ ।

    काठमाडौं नयाँ बजार धारागल्ली बस्ने धादिङ वेनिघाट रोराङग गाउँपालिका-५ घर भएका २७ वर्षिय सन्तोष कँडेललाई मंगलबार दिउँसो प्रहरीले पक्राउ गरेको हो ।

    आरोपीले स्यूचाटर नागार्जुन नगरपालीका-९ आदर्श नगरटोल बस्ने एकल महिलालाई चिठीमार्फत नगद २० लाख रुपैयाँ दिन माग गरेका थिए । उनले मंगलबार दिउँसो बालाजु पुलमा लिई आउनु, प्रहरी र आफन्तलाई जानकारी गराएमा तथा रकम नदिएमा छोरीलाई सिध्याई दिने र घरमासमेत बम राखी उडाई दिने धम्की दिएका थिए ।

    सो सम्बन्धमा सूचना प्राप्त भएपश्चात महानगरीय प्रहरी परिसर काठमाडौं र महानगरीय प्रहरी वृत्त कालीमाटीबाट संयुक्त रूपमा खटिएको प्रहरीले उनलाई बालाजुबाट पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।

    प्रतिकृया दिनुहोस्