कैलाली । नेपाल कम्यूनिष्ट पार्टी नेकपाका कैलाली जिल्ला सदस्य फूलराम चौधरी ‘स्रोत’को शनिबार राती निधन भएको छ ।
जानकी गाउँपालिका-८ खैरिपुरका उनी यसअघि पित्तथैलीमा पथरी भई औषधि सेवन गरिरहेकोमा पछिल्लो एक महिना लगातार ज्वरो आएपछि उपचारका लागि काठमाडौं लगिएकोमा उपचारका क्रममा निधन भएको परिवारिक श्रोतले बताएको छ ।
२०५८ सालदेखि भूमिगत राजनीतिमा लागेका उनी तत्कालिन नेकपा माओवादी केन्द्रको केन्द्रीय महाधिबेशन आयोजक समिति सदस्यसमेत रहेका थिए ।
उनी २०७० सालको संविधान सभा निर्वाचनमा कैलाली क्षेत्र नं.२ बाट माओवादीका तर्फबाट संविधान सभा सदस्य उम्मेदवार भएका थिए । २०७४ मा भएको स्थानीय तह निर्वाचनमा जानकी गाउँपालिका अध्यक्षको उम्मेदवारसमेत भएका थिए ।
कराँतेका ग्राजुयशन चौधरीका सन्तानको रुपमा एउटा छोरी छन् । उनको शवलाई हिजै राती काठमाडौंबाट कैलाली तर्फ लगिएको नेकपा नेता खडक शाहले जानकारी दिए ।
