News Portal

  • इजिप्टको कायरोका लागि हुने ब्रिटिस एयरवेजका सम्पूर्ण उडान स्थगित

    ३४९ पटक

    काठमाडौं । ब्रिटिस एयरवेजले सुरक्षाको कारण देखाउँदै इजिप्टको कायरोका लागि आफ्ना सम्पूर्ण उडान स्थगित गरेको छ ।

    एयरवेजले एक सूचना प्रकाशित गरी आगामी एक साताका लागि इजिप्टका लागि उडानहरु स्थगित गरेको जनाएको हो । एयरवेजले सुरक्षाका दृष्टिले उडानहरु स्थगित गरिएको जनाउँदै आफ्ना चालक दलका सदस्यको ज्यान बाजी राखी उडान भर्न नसक्ने जनाएको हो ।

    तर कस्तो खालको सुरक्षा चुनौती देखियो भन्नेबारे भने केही खुलाइएको छैन । उडान स्थगित गरेसँगै हजारौं यात्रु प्रभावित भएका छन् । केही यात्रुले भने इजिप्टका लागि बोर्डिङ पास लिइसकेपछि उडान रद्द गरेको भन्दै एयरवेजको रवैयाप्रति खेद व्यक्त गरेका छन् ।

    उनीहरुले सो एअरवेजका कर्मचारीले सही सूचना दिन आनाकानी गरेको र सहयोगसमेत नगरेको गुनासो गरेका छन् । यसैबीच जर्मनीको लुफ्थान्सा एअरले पनि इजिप्टमा शनिबार हुने आफ्ना उडान रद्द गरेको थियो ।

    तर आइतबारदेखि उडान हुने एयरलाइन्सका प्रवक्तालाई उदृत गर्दै अन्तराष्ट्रिय सञ्चारमाध्यमहरुले जनाएका छन् ।

    प्रतिकृया दिनुहोस्