News Portal

  • आकस्मिक बाढी आउन सक्ने भएकाले सतर्क रहन अनुरोध

    डबली सम्वाददाता
    २९३ पटक

    काठमाडौं । सरकारले खोला तथा नदी किनारमा रहेका बालीनाली असार २८ अगावै थन्काइसक्न सम्बन्धित सबैलाई अनुरोध गरेको छ । ऊर्जा, जलस्रोत तथा सिँचाइ मन्त्रालय मातहतको बाढी पूर्वानुमान महाशाखाले सूचना जारी गर्दै तटीय क्षेत्रमा उच्च सतर्कताका साथ निर्माणको काम गर्न र बालीनाली भए २८ गतेभित्रै थन्काउन अनुरोध गरेको हो ।

    नदी र खोलामा जलस्तर बढदो क्रममा रहेको र एक सातापछि बहाव उच्च हुने भन्दै सतर्कता अपनाउन आग्रह गरिएको हो । महाशाखाका अनुसार सोमबार भोलिसम्म प्रमुख र मझौला नदीमा बाढीको जोखिम न्यून छ ।

    डडेलधुरा, डोटी, कैलाली, कञ्चनपुर, बर्दिया, बाँके, दाङ, सुर्खेत, दैलेख, जाजरकोट, अछाम र आसपास जिल्लाका चुरे र पहाडका साना नदीमा आज बिहानदेखि बहाव उच्च हुने अनुमान छ ।

    केही नदी तथा खोलामा आकस्मिक बाढी आउन सक्ने भएकाले सतर्क रहनसमेत पूर्वानुमान महाशाखाले अनुरोध गरेको छ ।

    प्रतिकृया दिनुहोस्