काठमाडौं । अमेरिकामा ६.४ रेक्टर स्केलको भूकम्प गएको छ ।
लस एन्जलसबाट २ सय ४० किलोमिटर उत्तरपुर्वी रिज्क्रेस्ट शहर केन्द्रबिन्दु भएर दुई दशक यता कै शक्तिशाली भूकम्प गएको बीबीसीले जनाएको छ ।
भूकम्पका कारण केही ठाउँमा क्षती पुग्नुका साथै आगलागी पनि भएको छ । अमेरिकी राष्ट्रपति डोनाल्ड ट्रम्पले ट्वीट गरेर अवस्था नियन्त्रणमा रहेको जनाएका छन् ।
भूकम्पको केन्द्र भएको स्थानमा निकै क्षति भएको स्थानीय भूगर्भ्विद् प्राध्यापक जोह रन्डलीले बताएको बीबीसीले उल्लेख गरेको छ ।
उनले धेरै जनसंख्या भएको क्षेत्रबाट भूकम्पको केन्द्र टाढा परेकोले बढी क्षति हुन नपाएको बताए । भूकम्पको केन्द्र भएको स्थानमा दर्जनौँ भवनमा आगलागी भएको आशंका गरिएको छ । मानवीय क्षतिबारे भने सार्वजनिक गरिएको छैन ।
