News Portal

  • विश्वकप सेमिफाइनल समीकरण आज पूरा हुँदै

    डबली सम्वाददाता
    ४८० पटक

    काठमाडौं । विश्वकप क्रिकेटको सेमिफाइनल समीकरण आज पूरा हुदैछ । बंगलादेशविरुद्ध आज पाकिस्तानले प्रतिस्पर्धा गर्दा न्युजिल्यान्ड र पाकिस्तानमध्ये एक टिम विश्वकपको सेमिफाइनलमा प्रवेश गर्नेछ ।

    लण्डनस्थित लर्ड्समा नेपाली समयअनुसार दिउँसो सवा तीन बजे पाकिस्तान र बंगलादेशबीचको खेल सुरु हुनेछ । सेमिफाइनल पुग्नको लागि यो खेल एकदमै महत्वपूर्ण रहेको छ ।

    आज खेलमा पाकिस्तानले बंगलादेशलाई भारी अन्तरले पराजित गरेको खण्डमा मात्रै विश्वकपको सेमिफाइनलमा प्रवेश गर्नेछ । यदि पाकिस्तानविरुद्ध बंगलादेशले सुरुमै टस जितेर ब्याटिङ गर्ने निर्णय गरे खेल सुरु हुनुअघि नै पाकिस्तान विश्वकपबाट बाहिरिनेछ ।

    पाकिस्तानले सुरुमा ब्याटिङ गर्दै चार सय भन्दा माथि रन बनाउनु पर्छ । यस्तो भएको खण्डमा पाकिस्तानले बंगलादेशलाई तीन सय रन भन्दा धेरैले जित्न सके मात्रै उसको विश्वकपको सेमिफाइनलमा पुग्ने सम्भावना हुन्छ ।

    न्युजिल्यान्ड विश्वकपको सेमिफाइनलमा पुग्ने लगभग पक्का जस्तै देखिएको छ । न्युजिल्यान्डको ११ अंक छ भने उसको प्लस ०ं१७५ नेट रनरेट छ । यता, पाकिस्तानको भने माइनस ० दशमलव ७९२ नेट रनरेट छ । आजको खेलमा पाकिस्तानले बंगलादेशलाई हराए ११ अंक भएपनि नेट रनरेटको आधारमा न्युजिल्यान्ड विश्वकपको सेमिफाइनलमा पुग्न सक्छ । आजको खेलमा पाकिस्तानविरुद्ध बंगलादेश जितको खोजीमा हुनेछ ।

    प्रतिकृया दिनुहोस्