News Portal

२ बालकलाई म्याग्दी नदीले बेपत्ता

११६ पटक

काठमाडौं । पौडी खेल्ने क्रममा म्याग्दी नदीले बगाउँदा बेनी नगरपालिका वडा नं.३ दुधेखोलाका दुई बालक बेपत्ता भएका छन् ।

मङ्गलबार बेलुका ४ : ३० बजे म्याग्दी नदीमा पौडी खेल्दा बेनपा-३ भकिम्लीका ११ वर्षिय प्रदीप रोका र बागलुङ घर भई हाल बेनपा-३ दुधेखोलामा मामाको घरमा बस्दै आएका अर्का बालक डेविड काउचा बेपत्ता भएको जिल्ला प्रहरी कार्यालय म्याग्दीले जनाएको छ ।

प्रहरीका अनुसार बेपत्ता बालकको खोजीकार्य भइरहेको र अहिलेसम्म उनीहरुको अवस्था पत्ता लाग्न सकेको छैन ।

विद्यालयबाट फर्केर पौडी खेल्ने क्रममा नदीले बगाउँदा ती बालक बेपत्ता भएका बेनपा–३ का वडा सदस्य गेमबहादुर घर्तीले बताएका छन् ।

प्रतिकृया दिनुहोस्