बागलुङ । जिल्लाको बडिगाड गाउँपालिका-६ चिच्चौरमा एक किशोरीको मुढोले किचेर मृत्यु भएको छ ।
मंगलबार दिउँसो बाख्रा चराउन जंगलमा गएकी किशोरीलाई भिरबाट पल्टाएको काठको मुढोले किचेर मृत्यु भएको इलाका प्रहरी कार्यालय बुर्तिबाङले जनाएको छ ।
मुढोले किचेर सोही स्थानकी १७ वर्षिय सुजना रोकाको घटनास्थलमै मृत्यु भएको हो । बाख्रा चराउन जंगलमा गएका बेला माथिबाट पल्टाएको मुढोले किचेको स्थानीयले बताएका छन् ।
जंगलबाट काठको मुढो पल्टाउने ४ जनालाई प्रहरीले नियन्त्रणमा लिएको छ । घटनाका विषयमा थप अनुसन्धान भइरहेको जिल्ला प्रहरी कार्यालय बागलुङले जनाएको छ ।
