काठमाडौं । स्कुलबसले ठक्कर दिँदा ३ वर्षिय बालिकाको मृत्यु भएको छ ।

बुढानिलकण्ठ नगरपालिका-४ पासिकोटस्थित सडकमा बा २ क ९९७४ न.को ज्ञान भूमी स्कुलको बसले मंगलबार बिहान बालिकालाई ठक्कर दिँदा बालिकाको मृत्यु भएको हो ।

मृत्यु हुनेमा पासिकोट बस्ने पाँचथर घर भएका दिनेश नेपालीकी ३ वर्षिय छोरी सुजिती नेपाली हुन् । ठक्करबाट गम्भीर घाइते भएकी बालिकाको उपचारका लागि न्यूरो अस्पताल बाँसबारीतर्फ लैजाने क्रममा बाटोमै मृत्यु भएको प्रहरीको भनाई छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।