News Portal

  • प्रहरीले नै बोक्सीको आरोपमा एक महिलालाई कुटपिट

    ३५६ पटक

    राजविराज । सप्तरीमा प्रहरीबाटै ५० वर्षिय एक महिला कुटिएकी छिन् ।

    सर्वसाधारणलाई सुरक्षाको प्रत्याभूत गराउने प्रहरी (असइ) ले नै बोक्सीको आरोप लगाउँदै महिलामाथि कुटपिट गरेका छन् ।

    सोमबार पत्रकार सम्मेलन गर्दै डाक्नेशवरी नगरपालिका-९ पथरथाढाकी जशोदियादेवी यादवलाई (असई) कमलदेव यादवले बोक्सीको आरोपमा कुटपिट गरेको पीडित पक्षको आरोप छ ।

    आफूमाथि कुटपिट भएको विषयमा पटक-पटक जिल्ला प्रहरी कार्यालयमा उजुरी गर्न जाँदा उजुरी लिन नमानेपछि बाध्य भएर पत्रकार गुहार्नुपरेको उनले गुनासो गरिन् । कुटपिट गर्ने प्रहरी नै रहेकाले उजुरी लिन प्रहरीले आलटाल गरेको उनको आरोप छ ।

    सम्मेलनमा उनले न्यायको लागि पहल गरिदिन आग्रह गरिन् । असई कमलदेव हाल काठमाडौंस्थित ट्राफिक प्रहरी कार्यालयमा कार्यरत छन् ।
    जिल्ला प्रहरी कार्यालय सप्तरीका एसपी मनोजकुमार यादवले महिलामाथि कुटपिट भएको पुष्टि गर्दै पीडितले फरक मुद्दा दर्ता गराउन खोजेको निवेदन नलिएको स्वीकार गरेका छन् ।

    प्रतिकृया दिनुहोस्