महोत्तरी । औरहीमा आज बिहान भएको सडक दुर्घटनामा परी एक वृद्धको मृत्यु भएको छ ।

बिहानै सम्सी गौशाला सडकखण्ड अन्तर्गत औरही नगरपालिका-४ बैरियामा सडक दुर्घटनामा परी स्थानीय ७६ वर्षिय गनौर रायको मृत्यु भएको हो ।

गाडीको ठक्करबाट उनको मृत्यु भए तापनि गाडीको पहिचान खुल्न नसकेको प्रहरीको भनाई छ । उनको टाउकोमा गम्भीर चोट लागेकाले घटनास्थलमै मृत्यु भएको बताइएको छ ।

शव परीक्षणको लागि जलेश्वर पठाउने तयारी भइरहेको छ भने घटनाको सम्बन्धमा थप अनुसन्धान भइरहेको प्रहरीले बताएको छ ।