News Portal

  • ब्राजिलका १९० शहरमा सरकारविरुद्ध विरोध प्रदर्शन

    डबली सम्वाददाता
    ४१२ पटक

    काठमाडौं । ब्राजिलमा सरकारविरुद्ध चर्को रुपमा विरोध प्रदर्शन शुरु भएको छ । सरकारले प्रस्ताव गरेको सामाजिक सुरक्षा सुधारविरुद्ध त्यहाँका स्थानीयले देशव्यापी विरोध प्रदर्शन गरेका हुन् ।

    ब्राजिलका सबै राज्यका कम्तीमा १९० सहरमा विरोध प्रदर्शन भएको स्थानीय सञ्चारमाध्यमले जनाएका छन्। विरोध प्रदर्शनका क्रममा १९ वटा राज्यका यातायात सेवा, सहरी रेलसेवा आदिमा अवरोध सिर्जना भएको छ । सार्वजनिक तथा अधिकांश निजी विद्यालय पनि बन्द भएका अन्तर्राष्ट्रिय सञ्चारमाध्यमले जनाएका छन् ।

    सामाजिक क्षेत्रमा सरकारी लगानी कटौती गर्ने प्रस्तावको विरोधमा आयोजित प्रदर्शन शान्तिपूर्ण नै रहेको जनाइएको छ । ब्राजिलमा दक्षिणपन्थी राष्ट्रपति जायर बोल्सोनारो सत्तामा रहेयता ब्राजिलका जनताले सरकारविरुद्ध विभिन्न आन्दोलन चर्काउँदै आएका छन् ।

    उनी राष्ट्रपति भएपछि देशव्यापी आन्दोलन भएको यो तेस्रो घटना हो । यसअघि विश्वविद्यालयको बजेट कटौतीको विरोधमा पनि ब्राजिलका जनता सरकारको विरोधमा उत्रेका थिए ।

    प्रतिकृया दिनुहोस्