News Portal

  • पौडेलको सम्झनामा श्रद्धाञ्जली सभा

    २९७ पटक

    काठमाडौं । सत्तारूढ नेकपा निकट अनेरास्ववियूले आफ्ना पूर्वअध्यक्ष एवं पूर्वशिक्षामन्त्री धनिराम पौडेलको सम्झनामा श्रद्धाञ्जली सभाको आयोजना गरेको छ ।

    गत जेठ ३१ गते पूर्वमन्त्री पौडेलको चितवनको माडीस्थित घरमा हृदयघातका कारण निधन भएको थियो । शुक्रबार राजधानीमा अनेरास्ववियू केन्द्रीय कमिटीले गरेको श्रद्धाञ्जली सभामा नेकपा नेता योगेश भट्टराई लगायतका नेताहरुले स्वर्गीय पौडेलको स्मरण गरेक छन् ।

    श्रद्धाञ्जली कार्यक्रममा नेता भट्टराईले पौडेलको निधनले पार्टी र आन्दोलनलाई अपुरणीय क्षति भएको बताए । नेकपाका अर्का नेता लिलामणि पोखरेलले पौडेल एक असाध्यै अध्ययनशील, क्षमतावान र कर्मठ नेताको रुपमा विकास भइसकेका नेता भएको बताए ।

    त्यस्तै श्रद्धाञ्जलीसभा अनेरास्ववियू (क्रान्तिकारी) का पूर्वअध्यक्ष रमेश मल्ल, अनेरास्ववियू संयोजक ऐन महर र अनेरास्ववियूका सहसंयोजक रञ्जित तामाङले स्वर्गीय पौडेलको निधनले पार्टीलाई अपुरणीय क्षति भएको बताए ।

    प्रतिकृया दिनुहोस्