News Portal

  • दाइ-भाइको कुटाइबाट घाइते महिलाको मृत्यु

    १८१ पटक

    लहान । सिसौको रूख काटेको विषयमा झडप हुँदा घाइते भएकी सिरहाको लहान नगरपालिकाकी एक महिलाको आज मृत्यु भएको छ ।

    रूख काटिएको विवादमा लहान नगरपालिका-१५ का आशाराम महतो र उनका भाई सुमेश्वर महतोले कुटपिट गर्दा घाइते भएकी लहान नगरपालिका-९ गोठ टोलकी ५३ वर्षिय तेतरीदेवी महतोको मृत्यु भएको हो ।

    सिसौँँ रूख काटेको विषयमा विवादमा दाइ-भाइको कुटाइबाट घाइते उनलाई लहान अस्पतालमा भर्ना गरिएकामा उपचार गराएर घर फर्केपछि आज बिहान मृत्यु भएको प्रहरीले जनाएको छ ।

    उनको मृत्यु भएपछि कुटपिट गर्ने दुवै दाजुभाइ फरार भएका छन् । उक्त घटनाका विषयमा अनुसन्धान भइरहेको इलाका प्रहरी कार्यालय लहानले जनाएको छ ।

    प्रतिकृया दिनुहोस्