News Portal

  • कर्णाली नदीमा जीप खस्यो

    ३३८ पटक

    हुम्ला । हुम्लाको खार्पुनाथा गाउँपालिका ५ को बेडबिसौना र कैलेवालु सडकखण्डमा बोलेरो जीप दुर्घटना भएको छ ।

    मंगलबार जीप कर्णाली नदीमा बेपत्ता भएको याक्चु प्रहरीले जनाएको छ । खार्पुनाथबाट गाउँपालिकाको केन्द्र याञ्चुतर्फ जाँदै गरेको लु १ ज ७१६६ नं.को जीप कर्णालीमा खसेको साहयक प्रमुख जिल्ला अधिकारी राजेन्द्रबहादुर सिंहले बताए ।

    जीपमा गाउँपालिकाका उपाध्यक्ष सिन्धु हमालसहित १६ जना सवार रहेको अनुमान गरिएको छ । घटनास्थलमा जिल्ला प्रहरी कार्यालय हुम्ला र याङचु गाउँपालिका लगायतका ठाउँबाट प्रहरीको टोली पुगेको छ । जीपमा सवार सबैजना बेपत्ता छन् । उद्धारकार्य जारी रहेको र थप विवरण आउन बाँकी छ ।

    प्रतिकृया दिनुहोस्