News Portal

  • अवैध सामान छुटाई दिने भन्दै बार्गेनिङ गर्ने प्रहरी हवल्दारसहित ३ जना पक्राउ

    २९२ पटक

    लहान । भन्सार छलेर अवैधरूपमा ल्याएको सामान छुटाई दिने भन्दै रकमको ‘बार्गेनिङ’ गरिरहेको अवस्थामा प्रहरीले एक प्रहरी हवल्दारसहित ३ जनालाई पक्राउ गरेको छ ।

    सिरहाको गोलबजार नगरपालिका-४ का रञ्जित साहले ज १ ज ४०२ नं.को गाडीमा भारतबाट अवैधरूपमा ल्याएको सामान सिरहा नगरपालिका-७ स्थित ट्राफिकचोकस्थित चेकिङ प्वाइन्टमा छुटाई दिन्छु भन्दै बार्गेनिङ गरिरहेको अवस्थामा जिल्ला प्रहरी कार्यालय सिरहाबाट खटिएको प्रहरी टोलीले प्रहरी हवल्दार अशोककुमार यादवसहित गाडी चालक शिवशङ्कर साह र रञ्जित साहलाई पक्राउ गरेको हो ।

    ट्राफिक चोकमा ड्युटीमा खटिएका प्रहरी हवल्दार यादवले जाँच गर्ने क्रममा भारतको जयनगरबाट लुकाइछिपाई ल्याइएको करीब ३ हजारभन्दा बढी मूल्य बराबरको सामान छुटाइदिन्छु भन्दै सो गाडी चालक साहसँग निज प्रहरी हवल्दार यादवले रकमको बार्गेनिङ गरिरहेको अवस्थामा तीनै जनालाई पक्राउ गरी आवश्यक कानूनी कारवाही अघि बढाइएको जिल्ला प्रहरी कार्यालय सिरहाले जनाएको छ ।

    प्रतिकृया दिनुहोस्