News Portal

  • अत्यधिक तीव्र गतिमा गुडिरहेको स्कार्पियो रुखमा ठोकियो

    २६७ पटक

    काठमाडौं । दुधपाटीबाट सल्लाघारीतर्फ गइरहेको बा १४ प ६३२९ नं.को स्कार्पियो रुखमा ठोक्किएर दुर्घटना हुँदा ४ घाइते भएका छन् ।

    दुर्घटनामा गुल्मी घर भई हाल नयाँबानेश्वर बस्ने २३ वर्षिय गाडी चालक राजन कुँवर, चालकको सिटसँगै बस्ने गुल्मी घरभई हाल कोटेश्वर बस्ने २४ वर्षिय सुन्दर बस्याल, २० वर्षिय रिसव खत्री र २० वर्षिय अमन केसी घाइते भएका महानगरीय प्रहरी परिसर भक्तपुरले जनाएको छ ।

    घाइते चारै जनाको भक्तपुर अस्पतालमा उपचार भइरहेको छ । घटनालगत्तै सैनिक आवासीय माविका सैनिकले घाइतेको उद्धार गरेका थिए ।
    घाइतेमध्ये सुन्दरलाई गम्भीर चोट लागेको छ । सुन्दरको निधारलगायतका शरीरका अन्य भागमा चोट लागेको छ ।

    स्कार्पियाकोे अगाडिको भागले च्यापिएका सुन्दरलाई निकाल्न ढोका नै निकाल्नु परेको प्रत्यक्षदर्शी भक्तपुर अस्पतालका एम्बुलेन्स चालक कृष्णराम कोजुले बताएका छन् ।

    अत्यधिक तीव्र गतिमा हुँइकिएको सो स्कार्पियोले सल्लाघारीबाट दुधपार्टीतर्फ आउँदै गरेको बा २ ज २७८९ नं.को ट्याक्सीलाई ठक्कर दिँदा ट्याक्सीको अगाडि भागमा सामान्य क्षति भएको छ ।

    प्रतिकृया दिनुहोस्