News Portal

  • मिडिया काउन्सिल विधेयक पारित हुन नदिने

    २४० पटक

    चितवन । नेपाली कांग्रेसका नेता गगनकुमार थापाले सरकारले ल्याउन खोजेको मिडिया काउन्सिल विधेयक कुनै पनि हालतमा पारित हुन नदिने बताएका छन् ।

    बहुमतको आधारमा संविधानको प्रस्तावनाविरुद्ध सदनबाट मिडिया काउन्सिल विधेयक र सूचना प्रविधि विधेयकलाई अगाडि बढ्न नदिने बताए । पत्रकार सम्मेलनमा उनले विधेयकलाई नागरिकले प्रेस र सञ्चारकर्मीसँग सम्बन्धित विधेयकको रुपमा बुझेको उल्लेख गर्दै नेपालीको अभिव्यक्ति स्वतन्त्रताको विषय भएको बताए ।

    मिडिया काउन्सिल विधेयकभन्दा पनि खतरनाक मानिएको सूचना प्रविधि विधेयक संसदमा छलफल चलिरहेको उल्लेख गर्दै सबै विधेयकहरु नेपालको सत्तामाथि प्रश्न उठाउने अधिकार पाएको नागरिकको हक र अधिकारलाई कुण्ठित पार्ने खोस्ने उद्देश्यले ल्याइएकाले सदनबाट पारित हुन नदिने बताए ।

    उनले नेपालको शासनको स्वरुप गणतन्त्रात्मक भएपनि शैली पुरानै हुदा गणतन्त्रप्रति नेपाली जनतामा तीव्र असन्तुष्टि बढेको र पछिल्लो निर्वाचनले गणतन्त्र सुरक्षित हुने अपेक्षा रहेपनि झनै असुरक्षित नहोला भन्न नसकिने बताए ।

    प्रतिकृया दिनुहोस्